Ristani: Hakerimi i e-albania, prapaskena e rrjedhjes së të dhënave të tjera nga patronazhistët

Rënia e “E-Albania”, ndonëse Rama kontraktoi kompani amerikane për sigurinë kibernetike, patronazhistët mbeten në shërbimin e plotë të qeverisë, tha sot anëtari i Kryesisë së Partisë Demokratike. Hakeimi, si skenar hollivudian, me armiq ndërkombëtarë dhe hakera, tha Ristani, ndërsa theksoi se duket që qeveria po mundohet të fshehë më shumë se të zbulojë.

Deklarata:

Më i pabesueshëm bëhet hakerimi po të kujtojmë rekordet thuajse kriminale të qeverisë sa i takon privatësisë së qytetarëve.

Partia Demokratike risjell në vëmendje rastin e patronazhistëve, të cilët kishin në duar të dhëna të qytetarëve shqiptarë, të siguruara përmes të njëjtit sistem, për të cilin sot thonë se është hakeruar.

Në një rast të dytë të paprecedent, punonjësit e së njëjtës administratë nxorën të dhëna sensitive të qytetarëve, që nga rrogat, të dhënat personale e me ra
rradhë.

Një qeveri që ka një rekord të tillë në trajtimin e bankës së të dhënave të nënshtetasve, duket e pabesueshme kur thotë se ka rënë pre e metodave të veta.

Kur të tjerët e trajtojnë ashtu si ajo trajton qytetarët e vet, për shqiptarët kjo nuk përbën lajm, por pazotësi të qeverisë.

Partia Demokratike, duke njohur ‘instrumentet e së keqes’ që përdor Rama, paralajmëron publikun se, pas lajmit për hakerimin mund të fshihen rrjedhje të tjera të databazës dhe të dhëna sensitive publike.

Kur kjo të ndodhë, Shefi i Shtabi të Përgjithshëm të Patronazhistëve, do t’ja hedhe fajin hakerimit të bërë nga ‘forca të panjohura’. r.k

/DRONI.al/