Ambientalisti, Lavdosh Ferruni tha sot se vlonjatët nuk duhet ta lejonin vendosjen e TEC-it lundrues me naftë në gjirin e Vlorës.
Ai tha në një intervistë për faxnews se TEC ishte jashtë standarteve të BE-së dhe ishte krijuar në 1997 duke u përdorur në Bangladesh.
Më tej, Ferruni u shpreh se vetëm aroma e rëndë e naftës që do përpunojë ky TEC do të shkaktojë probleme të rënda për shëndetin e banorëve.
“Ne kemi marrë vesh që ka qenë në Bangladesh për shumë vite. Është krijuar që nga viti 1997, pra është TEC i vjetër që djeg naftë, jashtë standarteve të BE-së, që do vijë në sezonin turistik në gjirin e Vlorës. Për këtë shqetësim ne kemi dashur të informojmë publikun vlonjat dhe më pas këta të fundit të reagojnë që mos ta lënë të zbatohet.
Për ta kuptuar çdo teleshikues, le të kemi parasysh naftën e rëndë që ky TEC do përpunojë. Aq më tepër kur nafta është e keqe, vetëm aroma e saj është jashtëzakonisht problematike. Plus që ka një sërë faktorësh që nëse dikush ekspozohet në këtë mjedis të ndotur, i krijohen probleme të mëdha në shëndet”, tha ambientalisti Lavdosh Ferruni. faxnews&r.e
