Arkivi i Shtetit ka publikuar sot një dokument ku përshkruhet një listë çmimesh të shërbimeve spitalore në vitin 1939.
Për një operacion paguhej 100 franga ari por kjo për nivelin e klasit të parë. Për klasin e dytë paguhej 60 franga ari. Për operacione të lehta çnimet ishin më të lira. Këshzu për klasin e parë paguhej 60 franga ari dhe për klasin e dytë 40 franga ari.
Me krjimin e shtetit shqiptar (1912) shëndetësia nuk ishte një sektor përbërës në qeverinë e re. Qeveria e drejtuar nga Ismail Qemali caktoi përfaqësuesin e saj, Dhimitër Beratin, të mbulonte median dhe problemet shëndetësore.
Më 1914, qeveria e krijuar nga Princ Vidi, ndërtoi një strukturë të re, duke ia besuar shëndetësinë ministrit të Arsimit Mihal Turtulli.
Më 1920 me qeverinë e dalë nga Kongresi i Lushnjës u krijua struktura e Drejtorisë së Përgjithshme të Shëndetësisë, e cila funksionoi si e tillë deri më 1944, kur u shndërrua në Ministri dhe për herë të parë u krijua Ministria e Shëndetësisë, thuhet në shhënimin e Arkivit të Shtetit. m.k
