Avokati Spartak Ngjela ka qënë ai që kësaj here ka fyer tropojanët me një fjalor pezhorativ përmes një postimi në rrjete sociale ndërsa komentonte protestën e madhe të opozitës së 7 korrikut.
Kjo është hera e dytë që zyrtarë të lartë institucionesh apo figura publike si avokati u sulen një komuniteti lokal me terma fyesë e denigrues.
“Por në këtë rast, atë që bie në sy si një gjë e trashë mendërisht, e mban brenda vetes kjo pyetje: pse, një katundar nga Tropoja që ka harruar dhe tabelën e shumëzimit, do të gënjejë shkencën e optikës amerikane?! Hahahahaha”, shkruan Ngjela, që i përket një familje komunistësh nga Zagoria, të rënë nga vakti për shkak se Enver Hoxha hoqi dorë nga shërbimi që merrte prej tyre.
E keni parë Zagorinë ku është, edhe shtëpia më e poshtme e Zagorisë është më lart se ajo me në lartësi në Tropojë. Për ata tropojanë që nuk ia kanë idenë sërish atëherë mwndoni Miliskanë dhe Dardhën tek rruga e vjetër që babai i Takut bëri për tropojanët, që të dukeshin edhe më larg se sa ishin. Megjithatë kjo nuk i ka penguat zagoritët të jenë një damar i fortë për Shqipërinë, bile në ndonjë rast edhe Takun.
Pra të qënit katundar nuk të pengon të mos jesh i tillë, përkundrazi është premisë siç ka ndodhur me vetë fatin e Takut deri këto vitet e fundit që i ka marrë për ters teksti dhe mendja. Ndërsa ka harruar se të vetmin lulëzim kishte ato kohë kur iu bashkua Berishës deri në servilizëm, ndërkohë që në vitet 90 ishte mik i përditshëm i Azem Hajdarit.a.b
Postimi i Takut:
Ngjela Qeshin dhe tallen në Amerikë me montimin e Saliut për pjesëmarrjen në mitingun e datës 7 korrik.
Turp!
Pse vendin absolut të optikës, elektronikës dhe kinematografisë botërore do të gënjesh ti, o Sali ziu!
Mua më thanë ekspertët se as 2500 persona nuk kanë qenë në bulevard, në 7 korrik.
Madje, më tha njëri syresh, “nuk e pe që Saliu, në klithmat e tij mitingashëse, nuk pati kurajë dot që ta thoshte numrin e mitingashëve këtë herë?!”
Kurse një tjetër më tha se: “a nuk i pe makinat që kalonin te unaza anash urës?
E nejse. Por…
Turp është, për të gjithë stacionet televizive shqiptare të Tiranës, që shiten profesionin për të gënjyer shqiptarët.
Por në këtë rast, atë që bie në sy si një gjë e trashë mendërisht, e mban brenda vetes kjo pyetje: pse, një katundar nga Tropoja që ka harruar dhe tabelën e shumëzimit, do të gënjejë shkencën e optikës amerikane?! Hahahahaha.
Kot lodhesh, o Sali! Tani të duhet të tregohesh përballues i së keqes që të ka pllakosur, por që vetë e ke kërkuar..
Mbaje parasysh për këtë rast, maksimën e Dante Alighierit: “Prendi la vita come ti viene”.
(Merre jetën ashtu si të vjen).
Kjo është e vetmja zgjidhje për hallin tënd.
