Rama thotë se do heqë taksat në pagat deri 500 mijë lekë

Kryeministri Edi Rama ka deklaruar sot në Parlamenz se brenda pak ditësh qeveria do të marrë një masë të re.

Rama tha nga foltorja e Kuvendit se do të ketë 0 taksë për pagat deri në 500 mijë lekë të vjetra.

”E kam dëgjuar që përsërisni me këmbëngulje që ne taksojmë punën më shumë se kapitali, e kundërta është e vërtetë. Kjo është çështje shifrash, puna në Shqipëri taksohet më pak se në gjithë rajonin e shkon në maksimumi 5.5%, sikundër Shqipëria ka taksat më të ulëta në rajon.

Nuk ka në rajon biznes të vogël me zero taksë, s’ka në rajon biznes me zero tvsh, s’ka në rajon taksë zero për pagat deri në katërqind mijë lekë të vjetra.

E së shpejti brenda pak ditësh ne do sjellim propozimin për ta zeruar deri në 500 mijë lekë, do shkojmë përtej angazhimit që kemi marrë për ta përgjysmuar. Nga na del që paskemi taksën më të lartë të punës e taksat më të larta?”, tha Rama.

Shqipëria ka taksat më të larta në rajon mbi të ardhurat personale me 15%, ndërkohë që ka ndërtuar një taksë tjetër, ajo e dypunësimit përmes së cilës merr dyfish takse për të njëjtën punë, afërsisht 30 %.
Kjo është arsyeja që investimetp e huaja në vend janë minimale ndërsa lanë Shqipërinë shumë brande të njohura ndërkombëtare. a.b

/DRONI.al/