Komiteti Ndërkombëtar i Kryqit të Kuq tha të premten se shkalla e shkatërrimit në Ukrainë për shkak të pushtimit të Rusisë “eshte veshtire të kuptohet”.
Në një deklaratë mbi ndikimin e 100 ditëve të luftës në Ukrainë tek civilët, Drejtori i Përgjithshëm i KNKK-së Robert Mardini tha se “do të ishte e vështirë të te përllogaritej demi që konflikti i armatosur ndërkombëtar në Ukrainë ka pasur mbi civilët gjatë 100 ditëve të fundit.” “Shkalla e shkatërrimit në qytete sfidon llogjikën. Shtëpitë, shkollat dhe spitalet janë shkatërruar dhe civilët kanë vuajtur tmerret e konfliktit, me jetë të humbura dhe familje të copëtuara,” tha ai.
“Mijëra prej tyre po jetojnë me ankthin duke mos ditur se çfarë ndodhi me të dashurit e tyre, ku përfshihen të afërmit e të burgosurve të luftës, “tha Mardini, duke u kërkuar atyre që janë përfshirë në konflikt t’i ofrojnë KNKK-së akses për të gjithë të burgosurit e luftës. “Është gjithashtu e rëndësishme të kujtojmë se disa rajone kanë vuajtur jo 100 ditë konflikt të armatosur, por tetë vjet prej tij, dhe shumë njerëz kanë duruar tragjedi të shumta. Shumë banorë janë detyruar të largohen nga shtëpitë e tyre më shumë se një herë, duke rindërtuar jetën e tyre nga e para çdo herë”, vuri në dukje Mardini.
Agjencia e Kombeve të Bashkuara për Refugjatët njoftoje në Twitter të premten se “një e treta e popullsisë së Ukrainës është detyruar të largohet në 100 ditë”, duke shtuar se agjencia është e fokusuar në mbrojtjen dhe strehimin për ukrainasit.
