Sali Berisha zgjidhet kryetar i PD pas 9 vitesh duke shënuar rastin e parë që pas kaq vitesh një politikan i rëndësishëm i pluralizmit rikthehet në krye të një partie të madhe politike.
Deputetja Albana Vokshi lexoi rezultatet e procesit për zgjedhjen e kreut të PD-së. Vokshi tha se zyrtarisht ish-kryeministri Sali Berisha merr drejtimin e PD-se me 93.45% të votave.
“Në total kanë votuar, 43 680 demokratë. 40 820 vota ka marrë zoti Berisha, pra 93,45% të votave.
328 vota janë shpallur të pavlefshme”-tha Vokshi.
Vokshi u shpreh se ky proces ishte më transparenti e më i besueshmi ndonjëherë. Ajo tha gjatë deklaratës se pjesmarrja e lartë tregon se demokratëve u është rikthyer besimi dhe se sot ata treguan se partia u përket atyre.
Ish-kryeministri Sali Berisha ka fituar bindshëm sot ndaj kandidatit tjetër Ibsen Elezi, ndërsa simpatizantë të shumtë të Berishës ndodhen në ambjentet e selisë në pritje të tij.
“Procesi më transparent ndonjëherë dhe i besueshëm. Sot demokratët treguan që partia u përket atyre. Pjesmarrja e lartë në votime tregon se është rikthyer besimi. Rezultati përfundimtar shpallet nesër”-tha Vokshi.
https://youtu.be/R-9iIgDxeEw
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
