Trupat e Ukrainës rimarrin qytete pranë Kharkiv

Kievi tha të martën se forcat e tij kishin shtyrë me sukses trupat ruse nga disa qytete pranë qytetit të Kharkiv, pjesë e një kundërofensive që Ukraina shpreson se mund të ndryshojë rrjedhën e luftës, raporton Reuters.

“Armët qe po ndihmojnë me shumë, jane ato antitank. Uroj që shteti të na furnizojë më shpesh me to. Ne i përdorim armët ekskluzivisht për caqe specifike. Siç e shihni kemi rezultate. Nëse ka armë do të të ketë më shumë rezultate”, thote nje ushtar.

Forcat ukrainase po lëvizin në distancën goditëse të linjave të furnizimit që mbështesin forcën kryesore të sulmit të Rusisë në jug, ku Moska është fokusuar në rrethimin dhe kapjen e rajonit të Donbasit.

Pavarësisht këtyre pengesave, presidenti rus Vladimir nuk ka treguar shenja të anulimit ose kufizimit të asaj që ai e quajti “operacion special ushtarak”.

Drejtoresha e Inteligjencës Kombëtare të SHBA-së, Avril Haines tha të martën se beson se Rusia ende planifikon një luftë të gjatë.

“Ne vlerësojmë se presidenti Putin po përgatitet për një konflikt të zgjatur në Ukrainë, gjatë të cilit ai ende synon të arrijë qëllime përtej Donbasit. përballet me një mospërputhje midis ambicieve të tij dhe aftësive ushtarake konvencionale aktuale të Rusisë, me gjasë do të thotë se muajt e ardhshëm mund të ecim në një rrugë më të paparashikueshme “.

Raketat ruse shkatërruan një qendër tregtare dhe depo në qytetin port të Odesës.

Ushtria ukrainase tha se një person u vra dhe pesë u plagosën.

Në Mariupol, forcat ruse goditën sërish fabrikën e çelikut Azovstal të martën, duke u përpjekur të kapnin bastionin e fundit të rezistencës ukrainase në qytetin e rrënuar.

Dhjetëra civilë janë evakuuar nga fabrika e çelikut ditët e fundit, por një ndihmës i kryebashkiakut të Mariupolit tha se të paktën 100 persona ende mbetën brenda.

Ukraina thotë se dhjetëra mijëra njerëz kanë vdekur gjatë dy muajve të rrethimit dhe bombardimeve ruse. Reuters

/DRONI.al/