Dy gjëra ranë në sy nga parada e djeshme e Ditës së Fitores në Moskë dhe gjate fjalimi shoqërues te Presidentit Vladimir Putin. Së pari, do të ketë një psherëtimë lehtësimi kolektive në pjesën më të madhe të botës që Putini nuk e përdori këtë, siç u frikësua, për të përshkallëzuar luftën në Ukrainë në një lloj forme. Fjalimi i tij, ndërsa e mbështillte atë konflikt me mantelin patriotik të Luftës së Madhe Patriotike (Lufta e Dytë Botërore), nuk u ndal në fitoret ruse në Ukrainë, sepse pothuajse nuk ka pasur. Së dyti, ka një shkëputje të dukshme midis paradës mbresëlënëse dhe të koreografisë së mirë në Sheshin e Kuq dhe realitetit në fushën e betejës në Ukrainë, ku fushata katastrofale e Rusisë po lufton për të mposhtur një armik shumë më të vogël. E vërteta është se pa një mobilizim të përgjithshëm Rusia thjesht nuk ka trupa të mjaftueshme për të nënshtruar dhe pushtuar Ukrainën. Në 75 ditë luftime, forcat ruse kanë rrafshuar fshatra e qytete në Ukrainë dhe kanë detyruar rreth gjashtë milionë njerëz të kërkojnë strehim jashtë vendit. “Të gjithë ushtarët profesionistë duhet të tmerrohen nga sjellja e ushtrisë ruse. Ata jo vetëm që janë të përfshirë në një agresion të paligjshëm dhe krime lufte, por drejtuesit e tyre të lartë kanë dështuar në atë masë sa duhet të përballen me gjykatën ushtarake”, tha sekretari britanik Ben Wallace, në një fjalim që përkoi me parakalimin e Ditës së Fitores të Rusisë, që përkujton fundin e Luftës së Dytë Botërore. Duke iu referuar gjeneralëve rusë, sekretari Wallace tha se “për ta dhe për Putinin nuk mund të ketë ditë fitoreje, vetëm turperim dhe me siguri disfatë në Ukrainë”. Britania është një nga mbështetësit më të zëshëm të përpjekjeve të Ukrainës për t’i rezistuar asaj që presidenti Putin e quan një “operacion i posaçëm ” për të çarmatosur fqinjin e tij më të vogël dhe për ta mbrojtur atë nga fashistët. Ukraina dhe Perëndimi thonë se ky është një pretekst i rremë për një agresion të paprovokuar të Rusisë në Ukrainë. Ekspertët perëndimorë të ushtrisë ruse – shumë prej të cilëve fillimisht parashikuan një fitore të shpejtë ruse – tani thonë se Moskës mund t’i mbarojë trupat dhe armët e reja për të vazhduar të luftojë për nje kohë të gjatë. Një shpallje e plotë e luftës do t’i lejonte Rusisë të dërgonte rekrutët, por kjo do të rrezikonte gjithashtu një reagim të ashpër në rusi nga familjet e frikësuara se djemtë e tyre do të thirreshin ne lufte. Lufta duket se ende gëzon mbështetje të fortë publike në Rusi, ku e gjithë gazetaria e pavarur tashmë është ndaluar te jete efektive dhe televizioni shtetëror thotë se Rusia po mbron veten nga NATO. Nderkohe zyrtarët ukrainas thanë se luftime të ashpra janë duke u zhvilluar në lindje të vendit, ndërsa katër raketa Onyx me precizion të lartë të lëshuar nga gadishulli i Krimesë, i kontrolluar nga Rusia, kishin goditur zonën e Odesës në Ukrainën jugperëndimore. Guvernatori i Mykolaiv, gjithashtu në jugperëndim, tha se sulmet gjatë natës ishin shumë të rënda. Megjithatë, sekretari Wallace tha se çfarëdo që të ndodhë në Ukrainë, presidenti Putin do të jetë i pranishëm përreth për një kohë. “Ne duhet të pyesim veten se si do ta frenojmë atë dhe Rusinë e tij në atë mënyrë që t’i ofrojmë siguri Evropës”, theksoje sekretari britanik.
Sekretari Wallace: Nuk ka ditë fitoreje, vetëm turpërim per Rusine
