Një video e re i ka dhënë sërish hov spekulimeve mbi gjendjen shëndetësore të Vladimir Putinit.
Teksa niset të takojë plot entuziasëm mikun e tij besnik, liderin bjellorus Alexander Lukashenko në Kremlin, dora e djathtë e Putinit dridhet fort dhe ai menjëherë e fut brenda xhaketës, por fill pas kësaj, e tradhëton dhe këmba.
Ka pasur një seri raportesh këto muajt e fundit, të cilat pretendojnë se kreu i shtetit rus përballet me probleme shëndetësore. Zëra të tillë janë ushqyer sidomos nga pamja e tij, fytyra mjaft e fryrë e sidomos fakti që vazhdimisht kërkon të kapet diku për t`u mbështetur.
Videoja e takimit me Lukashenkon është regjistuar në 18 shkurt, pak përpara fillimit të pushtimit rus në Ukrainë, por bëhet publike vetëm tani. Edhe në një takim me ministrin e mbrojtjes, Sergei Shoigu, të transmetuar live në televizionin shtetëror rus javën që shkoi, Putini shihej duke u mbajtur fort pas tryezës me dorën e djathtë.
Sipas Anders Aslund, economist suedez dhe ish këshilltar për cështjet e Ukrainës dhe Rusisë, ajo video tregon se si Putin, ashtu edhe Shoigu, duken të trazuar e në gjendje jo të mirë shëndetësore./tch
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
