Ish-ministri i drejtësisë Ylli Manjani ndërsa komentoi pranimin e ankesës nga gjykata e konsideroi të turpshëm vendimin e marrë sot në Gjykatën e Apelit nga Blerina Muça, pasi pranoi ankimimin e Enkelejd Alibeajt, për statutin e Partisë Demokratike.
Manjani thotë se vendimi i marrë sot është një rast unik dhe i paprecedentë, që i hap rrugë çdokujt që të bëjë presipn mbi gjykata.
“Vendimi i gjykatës Tiranë për të legjitimuar një ankim të një personi që nuk është palë në një sallë gjyqi, është TURP juridik!
Rast unik në jurisprudencë dhe precedent i rrezikshëm.
Më vjen keq dhe, përtej respektit që kam për gjyqtaren, por shoh që parimet e gjykimit të rregullt kanë rënë. Ky është vendim i marrë nën presion të jashtëzakonshëm.
Tani mund të legjitimohet çdo pushtetar e diplomat, njësoj si çdo bandit që i bën presion gjykatës dhe mund të mbajë peng të drejtën e kujtdo.
Turp e faqja e zezë!
Them turp sepse fatin e asnjë partie nuk e cakton dot gjykata!
Le ta bëjnë dhëmbin sa Kimi po të duan, por ky është realiteti!
Të fala reformës dhe drejtësisë së pavarur!“, shkruan Manjani në postimin e tij.
Gjykatësja Blerina Muça vetëm pak javë më parë ka dhënë vendim të kundërt për nkë çështje të ngjashme dhe me të njëjtat palë. m.k
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
