Korporata Elektroenergjitike Shqiptare ka shitur energji në ditët e para të prillit edhe pse kaskadat e Drinit janë pothuajse të zbrazura.
KESH ka shitur rreth 11 mijë e 800 MWH me një çmim mesatar prej 150 euro për megavatorë. Të njëjtën sasi rezulton se e ka para- blerë para disa ditëve pot me çmim më të lartë, afro 290 euro për megavatorë. Kjo pasi në bursë çmimi i energjisë elektrike është ulur gjatë ditëve të fundit.
KESH ka hapur tender për të shitur energji për datat 1 dhe 2 prill pasi nuk arriti ta depozitojë atë. KESH ka bërë me dije se ka bërë kërkesë për depozitim të energjisë elektrike të prodhuar gjatë ditëve të para të prillit por kjo procedurë është anulluar pasi nuk ka pasur interes nga kompani e më pas ka hapur proçedurë për ta shitur.
Reshjet intensive të shiut kanë shtuar prodhimin e energjisë në vend duke bërë që në kaskadën e Drinit rezerva energjitike të arrijë në 350 GWH nga 313 GWH që ishte para dy javëve.
KESH ka të gjitha mundësitë teknike që të planifikojë prodhimin e energjisë përmes uljes së qarkullimot të ujit në turbinat e tri hidrocentraleve dhe duke i rezervuar ato në kaskada. Kjo është e pamundur të bëhet vetëm në rastet kur kaskadat janë të mbushura. Por tani kaskadat janë më nivelet më të ulëta historike. Dhe KESH kishte mundësi të mos prodhonte tepricë energjie por të rezervonte ujin. a.b
