Një nga aleatët më të afërt të Presidentit Vladimir Putin paralajmëroi Shtetet e Bashkuara të mërkurën se bota mund të shkoje drejt një kercenimi bërthamor nëse Uashingtoni vazhdon me atë që Kremlini e konsideron si një komplot afatgjatë për të shkatërruar Rusinë.
Dmitry Medvedev, i cili ishte president nga viti 2008 deri në 2012 dhe tani është zëvendës sekretar i Këshillit të Sigurimit të Rusisë, tha se Shtetet e Bashkuara kishin komplotuar për të shkatërruar Rusinë si pjesë e një “lojë primitive” që nga rënia e Bashkimit Sovjetik në vitin 1991.
“Kjo do të thotë se Rusia duhet të poshtërohet, kufizohet, dobeshet, ndahet dhe shkatërrohet,” tha Medvedev, 56 vjec, në një deklaratë prej 550 fjalësh.
Pikëpamjet e Medvedev, që dikur konsideroheshin si një nga anëtarët më pak të ashpër të rrethit të Putinit, japin një pasqyrë të të menduarit brenda Kremlinit teksa Moska përballet në konfrontimin më të madh me Perëndimin që nga kriza e raketave Kubane e vitit 1962.
Shtetet e Bashkuara kanë thënë në mënyrë të përsëritur se nuk duan kolapsin e Rusisë dhe se interesat e tyre shërbehen më së miri nga një Rusi e begatë, e qëndrueshme dhe e hapur.
Departamenti i Shtetit nuk iu përgjigj menjëherë një kërkese për koment jashtë orarit të zakonshëm të punës.
Pushtimi rus i Ukrainës ka vrarë mijëra njerëz, ka zhvendosur afro 10 milionë dhe ka ngritur frikën për një konfrontim më të gjerë midis Rusisë dhe Shteteve të Bashkuara – dy fuqitë më të mëdha bërthamore në botë.
Putin thotë se operacioni ishte i nevojshëm sepse Shtetet e Bashkuara po përdornin Ukrainën për të kërcënuar Rusinë dhe Moska duhej të mbrohej kundër “gjenocidit” të rusishtfolësve nga Ukraina. Ukraina thotë se pretendimet e Putinit për gjenocid janë të pakuptimta.
Medvedev tha se Kremlini nuk do të lejonte kurrë shkatërrimin e Rusisë, por paralajmëroi Uashingtonin se nëse arrin ato që ai i cilësoi si synimet e tij shkatërruese, atëherë bota mund të përballet me një krizë distopike që do të përfundonte në një “shpërthim të madh bërthamor”.
Ai pikturoi gjithashtu një pamje të një bote pas Putinit nëse do të ketë rënie të Rusisë, e cila ka më shumë koka bërthamore se çdo vend tjetër.
Shkatërrimi i vendit më të madh në botë sipas sipërfaqes, tha Medvedev, mund të çojë në një udhëheqje të paqëndrueshme në Moskë “me një numër maksimal të armëve bërthamore që synojnë objektivat në Shtetet e Bashkuara dhe Evropë”.
Rënia e Rusisë, tha ai, do të çonte në pesë ose gjashtë shtete të armatosura bërthamore në të gjithë territorin euroaziatik të drejtuar nga karaktere “të çuditshëm, fanatikë dhe radikalë”.
“A është kjo një distopi apo ndonjë parashikim i çmendur futurist? A është një ‘Pulp fiction’? Jo,” tha Medvedev. Reuters
