Shpejtësia e internetit ka rënë sot në të gjithë vendin duke shënuar sulmin më masiv ndaj transparencës dhe lirisë së komunikimit e shprehjes në Shqipëri.
Të gjitha transmetimet live gjatë protestës ishin pothuajse të bllokuara ose mund të ndiqeshin nga një numër minimal shikuesish.
Kjo mund të jetë edhe arsyeja se pse Rama nuk ndërhyri me rrjete sociale gjatë protestës.
Nuk kemi ende ndonjë të dhënë se si e ka realizuar AKEP ngadalësimin vec faktit se interneti ishte i ngadalësuar.
Ka dyshime të forta se zyra e Ramës e zhvendosur tashmë në AKEP ka përdorur skenarin e ‘throtlling’ për të penguar shpërndarjen e protestës së madhe në Tiranë në audienca masive në të gjithë vendin.
Çfarë është throtlling dhe si realizohet:
Një nga mundësitë më të mëdha që realizohet fshehur nga sytë e çdokujt, bile edhe atyre që e vuajnë sulmin, është throtlling (mbytja, bllokimi apo ngadalësimi i rrjetit). Kjo vjen për shkak të bllokimit të sinjalit të internetit, ngadalësimit të sinjalit apo veçimit të disa mediave për të ecur ngadalë apo shpalosur me vështirësi në aparatet marrëse të përmbajtjes si telefoni, por edhe përmes kompjuterëve apo tabletit.
Të gjithë tregtarët e internetit në Shqipëri licencohen nga AKEP-i, një institucion në dukje i pavarur, por i menaxhuar nga qeveria. Nëse AKEP dëshiron të bllokojë media duke mos shkelur në pamje të parë as ligjin dhe as rregulloret e saj, mund ta bëjë. Kjo zyrë mund të inkurajojë furnizuesit me internet që të ngadalësojnë sinjalin në zona të caktuara dhe ta mbyllin atë për një periudhë kohe. Siç ndodh në Tiranë kur ka protesta. Por po ashtu, mund të hartojë ‘white list’ me domene ‘jomiqësore’ me qeverinë, shfaqja e të cilave në kompjuterë apo telefona duhet ngadalësuar. Kështu, një domen që nuk është në white list, mund të hapet në telefonin tuaj për 1 sekondë, ndërsa informacioni që të vjen nga një domen që është në këtë listë hapet shumë avash, ndoshta edhe 9 sekonda. Mund të mos hapet fare. Kjo varet nga disponimi i furnitorit ndaj urdhrit. Ky filtrim i këndvështrimit të informacionit përmes internetit, ndërkohë që mbi 60 për qind e informacionit merret përmes tij dhe vetëm përmes tij, cenon rëndë demokracinë. a.b
