Ushtria ruse po përgatitet të bombardojë qytetin port të Ukrainës, Odessa, deklaroi sot Presidenti i Ukrainës, Volodymyr Zelensky.
“Ky do të jetë një krim ushtarak. Ky do të jetë një krim historik”, tha Presidenti Zelensky.
Forcat ruse kanë bërë përparim në Ukrainën jugore që nga fillimi i pushtimit të tyre më 24 shkurt, duke pushtuar qytetin Kherson dhe duke rrethuar portin e Mariupolit, por Odessa deri më tani është kursyer kryesisht, pavarësisht rreshtimit të flotës ushtarake ruse përballë saj.
Zelensky gjithashtu ka shprehur zemërimin që NATO po refuzon të vendosë një zonë ndalim-fluturimi mbi hapësirën ajrore të Ukrainës që do të pengonte Rusinë të kryente sulme ajrore.
Odeaa është qytet port më i madh i Ukrainës dhe marrja nga rusët do ta vështirësonte rezistencën e forcave ushtarake të Ukrainës. r.j
