Pamundësia e selisë së PD për komisionerë shkakton probleme në Vorë, PD i poston komisionerët nga Kamza në shkelje të ligjit

Pamundësia e PD për të gjetur komisionerë më Vorë ka shkaktuar probleme në funksionimin e KZAZ në bashkinë e Vorës.

Anëtarët e KZAZ, përfaqësues të PD, postuar nga Kamza në Vorë nga ana e PD nuk janë pranuar nga anëtarët e tjerë të KZAZ për shkak se kodi zgjedhor kërkon që anëtarët të jenë me banim në Vorë.

Në Vorë ka shkuar edhe kryetari i KQZ Ilirjan Celibashi i cili po përpiqet të zgjidhe situatën. Ai tha se duhet respektuar kodi zgjedhor ndërsa shtoi se anëtarët e propozuar nga PD nëse janë të trainuar mund të pranohen, megjithatë kërkesa e ligjit është ndryshe.

Ndërkohë PD ka bërë padi penale ndaj 4 anëtarëve të tjerë të KZAZ që nuk kanë pranuar në kundërshtim me ligjin anëtarë të PD nga zona jashtë bashkisë ku ka zgjedhje.

Deklarata e Tabakut:

Me nje vendim te paprecedente tre anetare te PS bashkuan voten me anetaret e LSI kane refuzuar qe te zbatojnë vendimin e komisionerit të zgjedhjeve të marrë gjaë ditës së djeshme, për emërimin e komisionerëve të PD dhe vendimin e Kolegjit të Apelimit të marrë mbrëmë në orën 02.00 të natës. Ndërkohë që flasim në qendrat e votimit janë emëruar 22 sekretarët të cilët i përkasin PD dhe akoma nuk ka një vendim për kryetarët të cilët i përkasin po PD në 22 qendrat e tjera.

Të gjithë përfaqësuesit e PD janë nëpër komisione si vëzhgues por nuk janë duke kryer rolin e tyre si kryetar.
Unë iu bëj thirrje subjekteve politike të kalojnë përtej porosive partiake dhe politike, përtej atyre që i urdhërojnë me telefon dhe me mesazhe dhe të zbatojnë vendimin e Komisionerit të Zgjedhjeve dhe vendimin natën vonë mbrëmë të KAS-it.
Të gjithë përfaqësuesit e PD janë nëpër komisione. Unë që në orën 07.00 të mëngjesit kam lëvizur në pjesën më të madhe të qendrave dhe kam vënë re që ashtu siç e deklarova përfaqësuesit e PS me përfaqësuesit e LSI nëpër komisione kanë refuzuar që të zbatojnë këtë vendim.
I kërkoj të gjithë qytetarëve të Vorës, i kërkoj të gjithëe qytetarëve të Marqinetit, të Gërdecit, Marikaj, Muçajt, Fushë Prezë dhe të gjithë zonave përreth në bashkinë Vorë dhë të vijnë dhe të votojnë masivisht për subjektin Partia Demokratike.
Siç e shikoni në fletën e votimit ka vetëm një subjekt që e përfaqëson opozitën shqiptare që është Partia Demokratike, subjektet e tjera janë bërë të gjitha bashkë kundër Partisë Demokratike.

/DRONI.al/