Biznesmeni, Gjergj Luca ka denoncuar Raiffeisen Bank, e cila jo vetëm e ka sjellë vërdallë për vite me radhë, por i ka bllokuar edhe paratë e veta që ka në këtë bankë që prej fillimit të javës.
Banka i ka bllokuar një transfertë të madhe parash që atij i ka ardhur nga Japonia që të hënën. Luca shet në Japoni peshkun ton, një koncesion që qeveria ia ka dhënë tregtarit të njohur të peshkut.
Luca ka kërkuar në bankën Raifeissen të këmbehet pagesa nga jen në euro. Banka i ka propozuar një kurs ku humbeshin 400 mijë euro në raport me kursin ditor, gjë që është refuzuar prej tij. Më pas banka i ka propozuar një kurs të ri me një humbje më të vogël prej 180 mijë euro. Por Luca sërish ka refuzuar, dhe së fundi banka i ka propozuar një kurs me humbje 18 mijë euro.
Ky ka qënë edhe momenti kur Luca ka kërkuar që paratë të shkojnë në një bankë tjetër por prej fillimit të javës banka nuk ka kryer asnjë veprim duke i bllokuar atij një sasi të madhe parash që nevojiten për paga dhe shpenzime të tjera.
Banka nornalisht mban komisione për veprimet që kryen por zbritja nga 400 mijë euro komision në 18 mijë euro tregon se komisionet nuk janë te palëvizshme por i ngjajnë një pazari që shpesh është i dhunshëm si në këtë rast. Banka ende nuk ka reaguar në lidhje me këtë ngjarje. Telefoni i zyrës nuk përgjigjet. r.e
https://fb.watch/by_Mz172On/
