Ndërsa banorët e zonës “5 majit”, Laprakës dhe Paskuqanit priten të përballen me policinë që do ju shkatërrojë shtëpitë me 22 mars, një prej protestuesve që kapërceu gardën përpara Parlamentit u gjobit me 12 milionë e 800 mikë lekë.
Laureta Nikolli vrapoi të enjten drejt hyrjes së Kuvendit për të takuar ish-kryeministrin Sali Berisha i cili i premtoi se do të vazhdojë të qëndrojë në krah të shqetësimit të tyre. Menjëherë pas këtij takimi me Berishën, banorja tha se në shtëpinë e saj ka mbërritur një gjobë e paligjshme nga bashka e Tiranës të cilën ajo e quan si hakmarrje e “shtetit-policor”.
“Kanë ardhur 4 persona, mesa duket inspektorë do të jenë. Kanë ardhur në derë dhe i kanë dhënë babait një letër me gjobë. 12 milionë e 800 mijë ishte gjoba. Dje erdhi gjoba në 15 shkurt e vendosur në gjobë, janë vendosur data të tjera. Është bërë me qëllim dhe do të bëhet kallëzim ndaj inspektorëve dhe ne do të paraqitemi në gjykatë. Na ka ardhur njoftimi që të lirohet banesa, ata vijnë japin urdhra duke vendosur gjoba politike, ata le të vendosin gjoba. Nëse unë e ndjej veten në dëshpërim do ta djeg vetë shtëpinë. Nëse Adriana Kalaja avokatja më ka thënë që kjo cështje do të zgjidhet ligjërisht dhe unë skam asnjë problem. Banesa na takon me ligj por edhe toka. Qëllimi është për ta cuar cëshjten në Stasburg”, tha Laureta Nikolli, banorja e kësaj zone.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
