Lajmi për vdekjen e aktorit të njohur shqiptato grek, Panos Natsis (Panajot Naçi) në moshën vetëm 31-vjeçare pas një aksidenti automobilistik ra si rrufe.
Sipas informacioneve, ngjarja tragjike ka ndodhur në orët e para të së shtunës (29/1), teksa motori i tij është përplasur me një kamion në kryqëzimin e rrugëve Deligiorgi dhe Kerameikou.
Ironia tragjike është se Naçi para aksidentit fatal automobilistik ka kaluar momente të bukura me kolegët, teksa ka qenë në një festë për ditëlindjen e koleges së tij, Alexandra Tavoulari, të cilën e kishte organizuar vetë, shkruajnë mediat e Athinës.
Mediat theksojnë miqësinë e tij me artistin George Kapoutzidis duke theksuar se kishin një marrëdhënie të ngushtë profesionale, pasi të dy kishin bashkëpunuar si në televizion ashtu edhe në teatër. Madje, aktori pritej të luante një rol kryesor në serialin e ri të skenaristit të titulluar “Serres”.
I ftuar kohë më parë në emisionin “Kush është në mëngjes” kishte deklaruar se dëshironte të kishte familjen e tij, pasi edhe pse i ri ishte i lumtur me miqtë e tij që kishin familjen e tyre.
Aktori kishte postuar së fundmi në llogarinë personale në Instagram foto nga një udhëtim që kishte bërë në natyrë në fillim të vitit të ri, kur asgjë nuk e parashikonte fundin e tij tragjik. Në fakt tashmë fotoja është e mbushur me komente plot ngushëllime, shkruajnë mediat e Athinës.
Edhe në Shqipëri është përcjellë me dhimbje humbja e artistit. Mdërkaq një nga familjarët e tij, kompozitori Gazmend Mullahi shkruan me dhimbje për nipin. Naçi ishte me prindër nga Himara dhe Librazhdi dhe kishte lindur në Tiranë. a.b
