Nga Bardhi Sejdarasi
Dje, si pothuaj në një vit të plotë, WizzAir u nis me 37 minuta vonesë drejt Këln në Gjermani! Nuk përbën lajm, sepse hungarezët nuk respektojnë asnjëherë detyrimin kontraktual për orarin e fluturimit! Kjo është e pafalshme! Kërkon nerva nga udhëtarët, por është edhe kosto për ata që e përdorim këtë kompani për udhëtime tranzit!
Shkova dje në zyrat e administratës së aeroportit “Nënë Tereza” që tashmë është pjesë e “Kastrati Group”. Mesova se në kontratën që kjo kompani hungareze ka nënshkruar me AAC, nuk ka përfshirë përgjegjësinë për humbjen e tranzitit, pra për vonesat që shkakton dhe që sjellin humbjen e fluturimit në vijim! Administrata e “Kastrati Group” nuk kishte asnjë të drejtë mbi Wizz Air!?! Ajo thjesht mbante “evidencën” e shkeljeve të disiplinës së fluturimeve dhe vetëm kaq!!! Sigurisht përfitonte të gjitha taksat dhe tarifat kontraktuale nga hungarezët! Për mbrojtjen e interesave të klientëve as që bëhej fjalë!
Doje të ankimoje një shkelje? Nuk mundet! Wizz Air nuk ka zyrë në Tiranë?! Ju mundet ta bëni këtë vetëm me Call Center! Provojeni: do të lini…”leshtë”! Pra do ta paguani “sa frëngu pulën” dhe nuk keni për të përfituar asnjë gjë!
Autoriteti që ka licensuar hungarezët për numrin më të madh për dhe nga TIA, është Autoriteti i Aviacionit Civil! Ka nënshkruar një kontratë, për të cilën nuk ka mundësuar një kërkesë elementare: një zyrë të kompanisë hungareze në kryeqytetin ku kryhen fluturime për pothuajse shumicën e itinerareve?!
Nuk do të shkruaj më shumë për këtë kompani mizerabël, sepse po pres një përgjigje zyrare (në respekt të ligjit për të drejtën e informimit, që iu kam dërguar autoriteteve vendase dhe një ankese në zyrën europiane të aviacionit) për të thënë ekzaktësisht atë që meriton kjo paçavure hungareze që shqiptarët nuk e meritojnë!
AAC mund të më vijë në ndihmë!
Marrë nga faqja e tij në Facebook
