LUSHNJË/ Prej 8 muajsh në kërkim, kapet ‘pronari’ i shtëpisë së barit

Vijon operacioni policor i koduar “Laboratori”, shkon në 4 numri i të arrestuarve në kuadër të këtij operacioni.

Kapet nga shërbimet e Komisariatit të Policisë Lushnjë, një person i shpallur në kërkim gjatë operacionit “Laboratori”, për veprat penale “Kultivimi i bimëve narkotike” dhe “Vjedhja e energjisë elektrike” të kryera në bashkëpunim.

Në vijim të punës për kapjen e personave në kërkim, mbi bazën e informacioneve të marra në rrugë policore për vendodhjen e një shtetasi i cili ishte në kërkim, shërbimet e Komisariatit të Policisë Lushnjë kanë organizuar punën për kapjen e tij. Si rezultat është bërë kapja dhe ndalimi i shtetasit:

K. (K). K., 32 vjeç, banues në Fiershegan, Lushnjë.

Gjykata e Shkallës së Parë Lushnjë, me vendimin e datës 14.12.2021, ka vendosur për këtë shtetas masën e sigurisë “Arrest me burg” për veprat penale “Kultivimi i bimëve narkotike” dhe “Vjedhja e energjisë elektrike” të kryera në bashkëpunim.

Ky shtetas, në bashkëpunim me 3 shtetas të tjerë të cilët janë arrestuar në flagrancë nga Policia në 01.04 2021, gjatë operacionit policor të koduar “Laboratori”, kishin përshtatur katin e parë dhe katin e tretë të një banese, me aparatura që shërbejnë për kultivimin e bimëve narkotike.

Materialet i kaluan Prokurorisë, për veprime të mëtejshme. a.b

/DRONI.al/