Roja legjendare e portës së PD që në vitin 1996 ka zgjedhur të lërë punën ndërkojë që po zëvëndësohet nga blindat brensa selisë.
Pëllumb Matraku, roja i brendshëm i selisë së PD-së, njoftoi dy ditë më parë publikisht largimin nga puna, duke i kërkuar demokratëve të gjejnë gjuhën e përbashkët.
“Kam punuar 24 vite në PD. Jam shumë krenar që kam punuar me profesor doktor Sali Berishën. Në 2 legjislaturat e fundit kam punuar me Lulzim Bashën, i jam shumë mirënjohës. Sot (të mërkurën) bëra një largim para kohe sepse nuk më pëlqejnë disa reagime mes demokratësh. Bëni mirë të gjeni gjuhën, mos i bëni qejfin të tjerëve”, shkruan Matraku në “Facebook”.
Kryeredaktori i RD, Bledi Kasmi që po ashtu është ndaluar këto ditë të hyjë në PD dhe i është mbyllur redaksia e përshkruan largimin e Pëllumbit si një reagim ndaj blindimit të PD.
“Pellumbi miku i mire i imi dhe te gjithe demokrateve ka dhene doreheqjen nga te qenit gardian i selise se PD.
Per ata qe nuk e njohin, Pellumb Matraku ka bere mbi 10 vite burg ne gulaget e diktatures komuniste dhe ai eshte larguar nga selia ku punoi shume vite te jetes se tij pasi nuk ka mundur ta shohe PD te kthyer ne nje bunker dhe te mbushur me çimka.
Pellumbi ishte nje mbeshtetes historik i Berishes dhe ai kurre nuk u pajtua me tjetersimin e PD, sulmet dhe reagimet poshteruese te disa individeve ndaj historise se PD.
Ai eshte larguar si nje njeri dinjitoz duke na kujtuar te gjitheve ne vlerat e njerezve te lire.
Pellumbin do ta rikthejme bashke me PD”, thotë Kasmi. m.k
