Prokurorët e SPAK janë tërhequr nga hetimi i skandalit të patronazhistëve të cilët përgjuan e mblodhën të dhëna private për rreth 900 mijë persona në funksion të PS për qëllime elektorale.
Skandali shpërtheu pak ditë para votimeve në zgjedhjet e 25 prillit ndërkohë që kryeministri Edi Rama përmes një fushate të fortë mbështetje për patronazhistët neutralizoi prokurorinë dhe mediat ta hetonin fenomenin si një shkelje të ligjit zgjedhor dhe shkelje të të drejtave të njeriut.
Largimin e SPAK nga çështja e lajmëroi kryeredaktori i lapsi.al, Andi Bushati, i cili edhe publikoi i pari skandalin.
”Sot kisha nje tjeter takim ne Gjykaten e Larte me “heronjte e femijeve tane”, qe gjenden ne SPAK.
Por ata jane terhequr nga çeshtja e patronazhiseve.
E bukura qe se dhe perfaqesuesi i akuzes nga prokuroria e pergjithshme kerkoi terheqjen duke e lene skandalin kopil. Kjo eshte reforma e re ne drejtesi, ku nje çeshtje fare mire mund te mos i takoje askujt. Dhe e bukura eshte se heronjte e SPAK kane arritur ne konkluzionin se nuk ka krim zgjedhor ndonese nuk guxuan kurre te shkelnin ne PS apo AKSh”, shkruan Bushati në një postim.
Skandali i patronazhistlve është rasti i spiunimit më masiv që ka ndodhur ndonjëherë në rrethana civile dhe ne një vend demokratik për një periudhë gati dhjetëvjeçare, mbi të dhënat personale, sjelljen politike dhe gjendjen sociale të afro 900 mijë personave mbi moshën minimale të votimit.
Të dhënat e botuara tek lapsi u morën në një kompjuter në zyrat e PS. Në tabela veç të dhënave personale për qindra mijëra persona ishin rrehshtuar edhe emrat e patronazhistëve. m.k
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
