Zyra e shtypit e selise së PD reagoi sot në lidhje me reagimet që erdhën në rrjete sociale pas një postimi nga ana e deputetes Ina Zhupa.
“Fyerjet dhe shpifjet ndaj zëdhënëses së PD janë dëshmi e qartë e mungesës se argumentave dhe etikës së komunikimit të Sali Berishës. Mënyrë komunikimi që e shfaqin shpesh dhe një pjesë e pakicës që e mbështesin. Shoqëria shqiptare duhet të ndahet përfundimisht nga politika e vjetër, nga gjuha e urrejtjes dhe e linçimit. Demokratët e kanë bërë zgjedhjen e tyre, ata zgjedhin të ardhmen!”, thuhet në reagimin e selisë.
Pak më herët Zhupa postoi një kritikë për Rithemelimin që nuk reagon për arrestimin e Kokës por merret me sherret në seli siç ishte rasti i reagimit të Albana Vokshit të cilës iu ndryshua brava e derës së zyrës së LGDSH në seli.
“Ne diten kur duhet ngritur zeri dhe reagimi per skandalin e inceneratoreve, Sali Berisha dhe Albana Vokshi gjejne kohen te merren me hallet personale duke larguar vemendjen nga skandali i korrupsioni disa milion eurosh.
Le te pyesin veten pse nuk flasin per kete skandal?
Pse perpiqen te largojne vemendjen nga perfshirja e zyrtareve me te larte te qeverise?!”, thuhej në reagimin që zgjoi zemërimin e shumë demokratëve. m.k
