Publikohet dokumenti për ‘Bashën i pandehur’ për ‘Toyota Yaris’, Basha jep shpjegim në lidhje me dëshminë për prokurorinë belge

Janë publikuar sonte nga syri tv dokumenta në lidhje me hetimin e dërgesave të parave të drogës në Shqipëri ose sic quhet ndryshe Toyota Yaris, sipas të cilave kreu i PD, Lulzim Basha është person nën hetim në Belgjikë.

Ministria e Drejtësisë me shkresën nr. 223/16 e protokolluar me datë 27.04.2020  i ka dhënë rrugë ekzekutimit të letërporosisë së autoriteteve belge të drejtësisë të përcjellë nëpërmjet zyrës së oficerit ndërlidhës në Ambasadën e Mbretërisë së Belgjikës në lidhje me procedimin penal në ngarkim të disa shtetasve, përfshirë këtu edhe kryetarin aktual të PD, Lulzim Basha.

Letërporosia e autoriteteve belge thotë e publikuar sonte në Syri.

Lulzim Basha në datën 21 qershor 2018 ka bërë një deklaratë para parlamentit shqiptar ku ka lajmëruar mbërritjen e fondeve në cash, fonde të cilat u bllokuan në datën 24.06.2018 në Durrës dhe ka akuzuar deputetin Taulant Balla dhe dy parlamentarë të tjerë, Ulsi Manja dhe Jurgis Çyrbja se janë këta persona në origjinë të dërgimit të këtyre fondeve në lidhje me krimin e organizuar.

Zoti Basha është dëgjuar edhe si dëshmitar në Tiranë në datën 25 korrik 2019, në kuadrin e ekzekutimit të letërporosisë tonë të ndihmës së ndërsjellt të 30 prillit 2019 në praninë e dy anëtarëve të Prokurorisë së Krimeve të Rënda. Ai i ka përsëritur aty fjalët e thëna në Parlament, por ka refuzuar të japë shpjegime në dataje (ndër të tjera të identifikojë burimet) duke afirmuar se i ruan detajet për drejtësinë belge në kuadrin e një interviste të mëvonëshme për të cilën ka thënë se është i gatshëm ta japë në Belgjikë.  

Basha është thirrur disa herë nga ana e prokurorëve dhe hetuesve belgë që të ridëgjohej si dëshmitar në Bruksel, por nuk është paraqitur dhe nuk ka dërguar një justifikim bindës në lidhje me mungesat e tij të përsëritura. 

Thirrjet e autoriteteve belge të datave 15.11.2019 për t’u paraqitur në datën 9.12.2019; 21.1.2020 për t’u paraqitur në datën 24.1.2020; 14.2;2020 për t’u paraqitur në datën 28.02.2020; si edhe me paralajmërimi i datës 3.3.2020 për t’u paraqitur në datën 17.3.2020, kanë mbetur pa përgjigjke me shkrim nga ana e tij”, thotë prokuroria belge.

Në letërporosinë e autoriteve belge thuhet më tej; të procedohet ose të bëhet ridëgjimi i hollësishëm në cilësinë e dëshmitarit të z.Lulzim Basha edhe me detyrim nëse është nevoja.

Basha përgjigjet në Real Story: Kam dëshmuar në SPAK në prani të zyrtarëve belgë

Lulzim Basha ka deklaruar në emisionin “Real Story” se është i gatshëm të shkojë drejt Brukselit dhe të japë çdo deklarim në lidhje me çështjen e “Toyota Yaris”.

Ai tha se ka dhënë dëshmi në SPAK, edhe në prani të zyrtarëve belg lidhur me këtë çështje. Këto zëra, krydemokrati i cilësoi si trillime të fabrikuara nga ish-kryeministri Sali Berisha, për të justifikuar kështu shprehjen sistematike të tij se “Basha është i marrë peng”.
“Kam dhënë dëshminë e plotë. Jam i gatshëm të jap dëshminë. Dëshmia është dhe në SPAK, edhe para zyrtarëve belgë. Unë udhëtoj që sonte drejt Brukselit dhe kam udhëtuar dhjetëra herë. Për herë të fundit kam qenë në qershor. Nuk jemi në rrafshin e trillimeve. Nëse ka nevojë të jap dëshmi përsëri e jap kudo. Është shenjë dëshpërimi që për të justifikuar trillimin që Basha është peng, do të dëgjoni trillime të tilla. Si mbahet peng Lulzim Basha, që ka tetë vite që bën opozitë. Kultura e vjetër, e linçimit që të justifikojë atë që ka thënë që s’e kthen dot që ky është peng, s’ka si e justifikon. Nuk është hapur kurrë një çështje ndaj meje në SHBA. Të gjitha këto, përveç përpjekjes për të manipuluar njerëz të lodhur nga 25 prilli prej masakrës zgjedhore nuk ka asgjë tjetër, janë trillime. Jam ftuar për të vizituar SHBA-të dhe siç kam qenë do të vazhdoj të jem në institucionet e Amerikës. Ata më kanë njohur si partner kur kam çuar Shqipërinë e NATO-s. Më kanë njohur si kryetar të opozitës. Më kanë njohur dhe në çështjet të tjera që kanë të bëjnë me gjeostrategjinë”, tha Basha. r.k

/DRONI.al/