Agron Shehaj shpjegon verifikimin.Telefonova delegatët që kishin firmosur, 98 përqind konfirmuan. Delegatja Freskida e pasigurtë për të bërë padi në prokurori

I ftuar në ‘Open’, Shehaj theksoi se mbi 4200 firmat e mbledhura nga foltorja e Berishës janë të sakta dhe të vërteta dhe se do të shkojë në Kuvendin Kombëtar në datë 11 dhjetor.

Shehaj: Shkova me një qëllim të vetëm të verifikoj se si është e vërteta. Ka një debat të madh, kur firmat janë aty  mund të shkoni t’i verifikoni. Unë kam pasur listën e degëve që më është dhënë gjatë fushatës. Unë isha drejtues, 170 delegatë janë në degët 5 dhe 7. Kam folur me rreth 100 delegatë. Janë rreth 170 delegatë, kanë firmosur 58% tek dega 5 dhe 56% tek dega 7. Rreth 170 delegatë, unë nuk kam ardhur për provim. Një sekondë, nga 170 nga të cilët 100 janë nga dega 5, rreth 70 janë nga dega 7, 80%, prej tyre kam folur, 98% më kanë konfirmuar që kanë firmosur. I njoh, kam numrat e telefonit të secilit prej tyre, nga i njëjti më ka marrë, aty e kam marrë, unë prandaj verifikova numrat e degës 5 dhe 7.

Analisti Andi Bushati u shpreh se ishte e mundur që vetë Shehaj të binte në kurthin e një personi që nuk është delegat.

Shehaj: Firmat nuk i kam mbledhur unë, i kam verifikuar dhe po t’i hymë çështjes së nëse ai personi që ka folur është regjistruar zëri i tij, unë nuk i futem atyre çështjeve. Kam thënë 98% e kanë konfirmuar, zonja është njëra prej 2% që nuk e kanë konfirmuar. Kontrolli që kam bërë është për ata që nuk kanë firmosur. Atë që kam bërë e kam bërë për transparencë.

Shehaj: Nëse Kuvendi i parë është legjitim edhe po të dua të shkoj nuk do të shkoj. Nëse unë njoh kuvendin e parë nuk kam si të shkoj në kuvendin e dytë.

Ndërkaq delegatja e PD-së, Freskida Rapo në lidhje live në emisionin Open tha se firma e saj është falsifikuar dhe se nuk ka firmosur, gjë që e ka shprehur edhe dje në një koment poshtë postimit të Shehajt në rrjete sociale.

 “Zoti Shehaj më mori mbrëmë dhe më pyeti që më rezulton se keni firmosur dhe i thash jo, i thashë firmën time kush e ka falsifikuar. Zoti Agron duhet ta kishte denoncuar, nëse duhet të ishte e ndershme ai formular duhet të kishte dalë, të ishte bërë publik”, tha ajo.

“Zoti Shehaj ju ka marrë para apo pas se të dilte para kamerave”, pyeti Ilir Babaramo.

“Unë kam qenë në punë nuk e di, nga ora 4 e gjysmë pasdite. Po bëhemi qesharakë se unë kam telefonin, kam regjistrimin”, tha delegatja.

“Sot kemi rastin e parë që njëra palë thotë është firmëtare”, tha Bushati.

“Më ka marrë dikush dhe i kam thënë që nuk firmos, jam në një periudhë pauze, reflektimi. Dje në orën 4 e gjysmë. Unë nuk kam ditur asgjë, unë kam qenë kryetare seksioni”, tha Rapo.

“Shko në prokurori Freskida”, tha Shehaj.

“Keni qenë një ndër të parët që kritikoje për shkeljet që kryheshin në PD”, tha delegatja.

Ndërkaq gazetari Bushati e ka pyetur Freskidën nëse do ta padisë në prokurori. Ajo tha se do të shohë njëherë formularin dhe pastaj do të vendosë. m.k

/DRONI.al/