Kryesia e degës së PD në Laprakë njeh vetëm Kuvendin Kombëtar të datës 11 si Kuvend legjitim të Partisë Demokratike pas një vendimi që është marrë me mbi 2/3 e votave të anëtarëve të Kryesisë së kësaj dege.
24 anëtarë Kryesie nga 33 që janë gjithsej, kanë votuar pro Kuvendit Kombëtar të datës 11.
Po ashtu në këtë degë kanë firmosur 88 delegatë nga 116 që ka e gjithë dega e Partisë Demokratike Laprakë.
Kryesia ka vendosur mbështetjen për Kuvendin e 11 dhjetorit të thirrur nga anëtarësia e PD-së.
Ata kanë publikuar edhe emrat e anëtarëve të Kryesisë të cilët kanë shprehur mbështetjen për ‘Foltoren’ e ish-kryeministrit Sali Berisha dhe thirrjen e Kuvendit Kombëtar në datën 11 dhjetor, ditën e themelimit të Partisë Demokratike.
