Ambasadorja Yuri Kim është sërish në Tropojë për të mbajtur një premtim, të festoje Darkën e Falenderimeve me fëmijët e këtij qyteti që i takoi në maj të këtij viti.
Ajo thotë se janë fëmijë të zgjuar dhe se ne duhet të zgjedhim të ardhmen e jo të shkuarën.
mbajtur Me anë të një postimi në rrjetet sociale, ambasadorja shprehet se në Tropojë është rikthyer për të mbajtur premtimin ndaj fëmijëve për të ngrënë së bashku darkën e falënderimeve, festë e cila festohet ne SHBA.
E lumtur që jam kthyer në Bajram Curri për të mbajtur premtimin ndaj fëmijëve që takova gjatë vizitës sime të parë në maj: se do të kthehesha për të ngrënë së bashku darkën e #Falënderimeve. Për amerikanët, Dita e Falënderimeve është koha e vitit kur shkojmë në shtëpi për të ndarë një vakt të veçantë me miqtë dhe familjen. Si dikush me rrënjë në mal, është e natyrshme dhe e gëzueshme për mua të “kthehem në shtëpi” në malësitë e Shqipërisë për Ditën e Falënderimeve. Ishte shumë bukur të përballesha me fytyra të njohura dhe të bëja gjithashtu miq të rinj. Më la edhe një herë përshtypje inteligjenca dhe vendosmëria e treguar nga të rinjtë që takova këtu, veçanërisht studentët në “English Empoëers All Tropojans” dhe “Girls Lead Our World @gloë_club_tropoje . SHBA është krenar që sponsorizon programe që u mundësojnë të rinjve të zhvillojnë potencialin e tyre të plotë dhe të ndërtojnë një të ardhme më të mirë për veten e tyre, për Tropojën dhe për Shqipërinë dhe Amerikën! Le të vazhdojmë të zgjedhim të ardhmen në vend të së shkuarës. Faleminderit banorëve të Tropojës për pritjen dhe mikpritjen tuaj të ngrohtë – jam mirënjohës që jam me ju!”.
Ashtu si Yuri Kim edhe ambasadorja tjetër amerikane e 15 viteve më parë ka qënë e lidhur shumë me Tropojën. Marcie Ries investoi përmes ambasadës amerikane në Tiranë rindërtimin e shkollës së Valbonës, zonë të cilën e vizitoi disa herë edhe pse me dalje më të rralla mediatike se zonja Kim. r.p
