Marrëveshja mes qeverisë shqiptare dhe asaj britanike që parashikon ripranimin e personave që po vuajnë dënimin në burgjet e dy shteteve apo janë të paligjshëm është depozituar në Kuvend dhe pritet të miratohet shumë shpejt.
Pakti është firmosur pak muaj më parë nga ministri i Brendshëm, Bledi Çuçi dhe ministrja britanike, Priti Patel.
”Marrëveshja parashikon verifikimin dhe identifikimin e shtetasve, subjekt kthimi/ripranimi, duke komunikuar çdo informacion për ta, duke konsultuar bazën e të dhënave vetëm për qëllim të zbatimit të kësaj marrëveshjeje”, thuhet në relacionin e kësaj marrëveshjeje.
Deri më tani, më shumë se 1 mijë kriminelë të huaj janë deportuar nga Britania e Madhe. Shqiptarët përbëjnë numrin më të madh të shtetasve të huaj në burgjet e britanike, gjithsej 16% të shkelësve të ligjit. a.b
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
