Biznesmeni shqiptar i vrarë dje në Greqi është shetasi me inicialet M.D, 37-vjecc me banim në Athinë.
Mediat greke kanë publikuar foton e tij. 37-vjeçari ndodhej në një pikë karburanti në momentin e vrasjes, biznes që ishte regjistruar në emrin e gruas së tij greke.
Bashkëshortja, tashmë e vé, ishte shtatzënë dhe që të dy po prisnin të vinin në jetë binjakët e tyre.
Ekzekutimi i shqiptarit lidhet me një vrasje të ndodhur në 2010, për të cilën është akuzuar M.D., atëherë 26 vjeç. Viktima akuzohej për vrasjen e një bashkatdhetari 30-vjeçar në 14 shkurt 2010 në rrugën Fokionos Negri në Kypseli të Athinës.
Atë natë, 30-vjeçari po kthehej në shtëpi nga një lokal ku po argëtohej në Kypseli.
Vihet re se korrikun e kaluar ka ndodhur një sulm me bombë në Vari në zyrat e kompanisë së naftës, në rrjetin e së cilës bën pjesë edhe pika e karburantit ku ndodhi atentati i djeshëm.
Megjithatë, drejtuesit e policisë greke i shkëputin plotësisht dy ngjarjet të paktën në këtë fazë të parë të hetimit të tyre. Sakaq pistë tjetër hetimi është një borxh 200 mijë euro dhe mes dyshimeve nuk mungon as ai për trafik droge.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
