Kryetari i PD, Lulzim Basha ka lajmëruar sot mbledhjen e kryesisë së PD ndërkohë që PD është përfshirë nga një krizë e thellë pas përplasjes se foltores drejtuar nga Berisha dhe PD zyrtare.
“Në mbështetje të pikës 4, të nenit 45 të Statutit të PDSH, nesër, datë 15.11.2021, ora 16:00, do të zhvillohet mbledhja e Kryesisë së Partisë, me rend dite: ‘Diskutime dhe vendimmarrje mbi situatën politike, si dhe marrjen e masave për të mbrojtur interesin e Partisë Demokratike dhe funksionimin demokratik të organeve të saj’, thuhet në njoftimin e kryetarit për anëtarët e kryesisë.
Deri tani grupi që kundërshton Bashën ka depozituar në zyrën e kryetarit të Këshillit Kombëtar, Edi Paloka mbi 5000 formularë për mbledhjen e kuvendit të PD për shkarkimin e kryetarit.
PD-ja zyrtare e ka kundërshtuar procedurën që ka ndjekur Sali Berisha për të thirrur kuvendin dukenkërkuar që Pd zyrtare të ketë kontrollin mbi firmat, datën e kongresit dhe rendin e ditës.
15 anëtarë të kryesisë u zgjodhën me votim direkt nga këshilli kombëtar në gusht të këtij viti ndërkohë 25 të tjerë janë për shkak të emërimeve të kryetarit.
Disa prej anëtarëve të kryesisë nuk janë anëtarë të PD-së, çfarë mund të jetë ngërçi i rradhës në institucionet e PD-së. Edhe pse nuk janë anëtarë u duhet të marrin vendime për partinë, një paradoks.
Basha zotëron kryesinë në zonën ku janë kryer emërime prej tij ndërkohë tek grupi me vota të Këshillit Komnëtar peshat janë të diskutueshme. a.b
