Një tragjedi ka ndodhur gjatë xhirimit të filmit ‘Rust’ i cili po zhvillohej në New Mexico. Provat e filmit lanë pas 1 të vdekur dhe një tjetër person të plagosur.
Ishte aktori i njohur Alec Baldwin, producenti dhe aktori i filmit i cili qëlloi me armë mbi fotografen dhe plagosi një person tjetër.
Baldwin mendoi se arma që kishte në dorë ishte ‘lodër’ mirëpo gabimisht ajo ishte e mbushur dhe i mori jetën Halyna Hutchins, 42 vjeçe, drejtores së fotografisë si dhe plagosi Joel Souza, 48 vjeç, regjisorin e filmit.
Gruaja u dërgua me urgjencë në spital por nuk mundi t’i shpëtojë dëmtimeve ndërkohë që regjizori ndodhet në spital duke marrë ndihmë mjekësore.
Përfaqësuesit e Baldwin, Souza dhe producenti ekzekutiv i Rust nuk iu përgjigjën menjëherë pyetjeve nga DailyMail.com vonë të enjten.
Nuk është ngritur asnjë kallëzim penal, por policia tha se një hetim për incidentin është aktualisht aktiv për të përcaktuar rrethanat e vdekjes së Hutchins.
“Sipas hetuesve, duket se skena që po filmohej përfshinte përdorimin e një arme zjarri”, tha në një deklaratë zëdhënësi i sherifit, Juan Rios. “Detektivët po hetojnë se si dhe çfarë lloj predhash është gjuajtur nga arma”
Hutchins ishte nga Ukraina dhe u rrit në një bazë ushtarake sovjetike në Rrethin Arktik. Ajo studioi gazetari në Kiev, dhe film në Los Anxhelos, dhe u emërua një “yll në rritje” nga revista amerikane Kinematograf në vitin 2019. Ajo ka qënë drejtore e fotografisë për filmin aksion Archenemy 2020, me regji të Adam Egypt Mortimer.
“Jam shumë i trishtuar për humbjen e Halyna. Dhe kaq i indinjuar që kjo mund të ndodhë në një set,” tha zoti Mortimer në një postim në Twitter. Daily mail
