Prokuroria Speciale ka lëshuar të paktën 20 urdhër-arreste për disa persona të përfshirë në veprimtari kriminale që lidhet me kultivimin e narkotikëve në qarkun e Lezhës.
Dyshimet e para janë se kemi të bëjmë me një operacion në vazhdimësi të atij që kishte nisur Policia e Lezhës, ku mbeti i vrarë nënkomisari Saimir Hoxha. Bëhet fjalë për një grup të madh kriminal që vepron në këtë zonë.
Sipas Neës 24, emrat e disa të arrestuarëve janë: Tanush Lekgega, Pashk Lala, Miri Rrapi dhe Gjin Kola.
Mësohet se mes personave të arrestuar janë dhe disa punonjës të Drejtorisë së Policisë së Lezhës, të cilët janë implikuar në këtë veprimtari të jashtëligjshme. Të paktën 8 nga të arrestuarit janë policë. Në bazë të hetimeve, SPAK ka arritur të provojë përfshirjen e tyre në veprimtari kriminale dhe sot ka urdhëruar arrestimin.
Në terren janë dhe drejtues të Shërbimit për Çështjet e Brendshme dhe Ankesat. Ata po ndjekin operacionin bashkë me prokurorët e SPAK. a.b
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
