Mbledhja e përgjithshme e prokurorëve kreu votimin për zgjedhjen e anëtarëve prokurorë në Këshillin e Lartë të Prokurorisë.
Në përfundim të mbledhjes janë shpallur fitues:
Sokol Stojani, i cili ka marë195 vota nga votimi për kandidatin prokuror të Prokurorisë së Përgjithshme
Ludovik Dodaj, i cili ka marë 192 vota nga votimi për kandidatin prokuror të prokurorive të Apelit
Zeqir Hoda, i cili ka marrë 150 vota nga votimi për kandidatin prokuror të prokurorive të shkallëve.
Njoftim i mbledhjes se prokurorëve:
Tiranë, 15.10.2021. U zhvillua sot Mbledhja e Përgjithshme e Prokurorëve e shpallur nga Prokurori i Përgjithshëm bazuar në ligjin 115/2016 “Për organet e qeverisjes së sistemit të drejtësisë” për zgjedhjen e anëtarëve prokurorë në Këshillin e Lartë të Prokurorisë (KLP), për tre anëtarë.
Sipas listës emërore të nënshkruar në mbledhje morën pjesë 209 prokurorë të të gjitha niveleve.
Nga votimi për kandidatin prokuror të Prokurorisë së Përgjithshme komisioni shpalli fitues në përputhje me nenin 115/5 të ligjit nr. 115/2016 “Për organet e qeverisjes së sistemit të drejtësisë” kandidatin Sokol Stojani, i cili ka marë195 vota, 14 vota ishin të pavlefshme.
Nga votimi për kandidatin prokuror të prokurorive të Apelit komisioni shpalli fitues në përputhje me nenin 115/5 të ligjit nr. 115/2016 “Për organet e qeverisjes së sistemit të drejtësisë”kandidatin Ludovik Dodaj ka marë 192 vota, 17 vota ishin të pavlefshme.
Nga votimi për kandidatin prokuror të prokurorive të shkallëve të para rezultoi se kandidati Zeqir Hoda ka marë numrin me të lartë të votave dhe shpallet fitues në përputhje me nenin 115/5 të ligjit nr. 115/2016 “Për organet e qeverisjes së sistemit të drejtësisë” sipas renditjes së mëposhtme:
- Z. Zeqir Hoda 150 vota
- Znj. Deniona Katro 48 vota
- Znj. Elona Alvora 6 vota
Ndërkohë që 5 vota u shpallën të pavlefshme.
