Në prag të Fun Run, vrapimit që do të zhvillohet në Blv. Deshmorët e Kombit, në datën 16 Tetor me nxënësit e shkollave 9-vjeçare dhe të mesme, ora 08:00-12:00, si dhe Maratonës së Tiranës, e cila do të zhvillohet më datë 17 Tetor, ora 07:00-17:00, do të kufizohet qarkullimi i makinave në këto orare. Bashkia ka publikuar edhe hartën e rrugëbe.
Policia u lutet qytetarëve të Tiranës:
Të përdorin sa më pak automjetet për lëvizjet e tyre, si dhe t’u binden menjëherë shërbimeve policore, në devijimet eventuale të trafikut.
Të mos parkojnë, mjetet e tyre, në rrugët ku do të kalojnë vrapuesit.
Të lëvizin mjetet e parkuara në perimetër të garës, nëse i kanë parkuar disa ditë më parë, pasi në të kundërt, do të lëvizen me mjet ngritës, nga shërbimet policore.
Ata qytetarë, që do të duan të lëvizin me mjetin e tyre, që ndodhet në parkimet brënda perimetrit të garës, duhet ta lëvizin një ditë përpara, pasi në orën 07:00-17:00 të datës 17 Tetor, rrugët do të bllokohen dhe nuk do të kenë mundësi të hyjnë-dalin në perimetrin e garës.
Këmbësorët , të bashkëpunojnë me shërbimet policore dhe vullnetarët, për të kaluar rrugën në vendet e përcaktuara, pa u bërë pengesë për vrapuesit. a.b
