Rama i mëshon sërish bashkëqeverisjes me PD para votimit për institucionet e vetingut

Kryeministri Edi Rama i ka mëshuar sërish ftesës për bashkëqeverisje për Bashën gjazë një dalje për mediat fill pas një mbledhje të kryesisë së PS.

Rama tha se duhet të thyhen disa barriere që janë vendosur me kohën dhe që qëndrojnë për inerci.

Pyetje&përgjigje:

A ka një pazar mes jush e zotit Basha për zgjatjen e mandatit të organeve të vetingut?

Edi Rama: Zgjatja e mandatit të organeve të vetingu është një domosdoshmëri që vjen si rezultat i një procesi që e ka treguar se sa i vyer është për pastrimin e llumit nga sistemi i drejtësisë dhe nxjerrjen në pah të njerëzve me integritet.

Ky proces nuk mund të ndërpritet.

Nga ana tjetër ju kujtoj që reforma në drejtësi është një reformë e bazuar tek një partneritet shumë i ngushtë i pandërprerë dhe i padiskutueshëm me parnterët tanë aleatët tanë stratetgjik SHBA dhe BE.

Kështu që këtu besoj se vija është shumë e ndarë.

I bëtë dje kreut të PD një ofertë për bashkëqeverisje, a ishte e sinqertë?

Edi Rama: PS është në një proces reflektimi se proceset e reflektimit ne na kanë garantuar që të qënorjmë në lartësinë e pritshmërive të publikut, na kanë ndihmuar edhe të kuptojmë se vetëpërmirësimi është domosdoshmëri për një forcë politike që merr përsipër të drejtojë vendin.

Ne jemi sot përsëri në qeveri si një forcë e vetme por ne nuk do e harrojmë për asnjë moment se në qeveri ne nuk na kanë sjellë thjesht votat e anëtarësisë sonë por të shumicës dërrmuese të shqiptarëve e atyre duhet t’u japim shansin të përfshihen në familjen tonë politike, duke thyer barriera që koha i vendos dhe inercia i mban aty, e ti japim mundësi shqiptarëve të ndihen mirë për sa na takon jo se ne i bëjmë mirë të gjitha gjërat as se ne nuk bëjme gabimet tona, por se bëjmë gjithmonë më të mirën tonë që më e mira të bëhet dhe për të tjerët.

A do hyni në negociatë me PD për të siguruar votat për reformën në drejtësi?

Edi Rama: Reforma ne drejtesi nuk është dicka për t’u negociuar por për tu kryer dhe në këtë pikë është e qartë për të gjithë që kthim prapa nuk ka, qendrim në vend nuk ka, e kush i bie ndesh reformës në drejtësi i bie ndesh interesave të vendit, aleancave te vendit.

/DRONI.al/