Një oficer policie në Greqi është konfliktuar me të afërmin e tij për çështje pronësie dhe më pas e ka qëlluar 3 herë me armë gjahu i cili më pas dha shpirt në spital.
Ngjarja ka ndodhur në një fshat malor Astrochori në zonën e Artës teksa efektivi i policisë e ka vrarë kushëririn e tij në sy të familjes të të ndjerit sipas mediave greke.
Sherri ndodhi kur dy të afërmit u takuan në një rrugë të fshatit dhe dolën nga makinat për të zgjidhur mosmarrëveshjet e tyre.
Familjarët e viktimës po hipnin në makinë. Megjithatë, ata u “ngrinë” kur dëgjuan të shtënat e armës dhe panë 62-vjeçarin të mbuluar me gjak dhe armën në duart e autorit të krimit.
Pasi e qëlloi, viktima u dërgua menjëherë në spital por për shkak të plagëve të marra, nuk arriti të mbijetonte.
Vrasësi 64-vjeçar hipi përsëri në makinën e tij dhe nxitoi të zhdukej, por ai u lokalizua nga policia e dhe u arrestua.
Ndaj tij është ngritur një çështje me akuzën e vrasjes me dashje dhe përdorimit të armës dhe ai do të dërgohet në Prokurorinë e Gjykatës së Shkallës së Parë Artë.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
