Një ngjarje e rëndë ka ndodhur në orët e para të mëngjesit të kësaj të diele në Sarandë në afersi të një lokali ku dy persona janë plagosur me armë zjatri.
I plagosur ka mbetur biznesmeni Spiro Iljadhi, banues në Sarandë. Autorët kanë qëlluar me breshëri automatiku në drejtim të Iljadhit, që ka marrë plagë në bark.
Ndërkaq si pasojë e të shtënave ka mbetur i plagosur edhe turisti shqiptaro-amerikan, Mario Jani, 33 vjeç.
Ende mbeten të paqarta motivet dhe rrethanat e plota të ngjarjes.
“Rreth orës 03:50, në lagjen Nr.1, në afërsi të një lokali, në rrethana ende të paqarta, janë plagosur me armë zjarri shtetasit S. I., 35 vjeç, banues në Sarandë dhe M. J., 33 vjeç, banues në Tiranë, të cilët ndodhen në spital jashtë rrezikut për jetën”, njoftoi policia e Sarandës.
Grupi hetimor ndodhet në vendin e ngjarjes ku vijon puna për zbardhjen dhe dokumentin e plotë të rrethanave të ngjarjes.
Shërbimet e policisë kanë ngritur pika kontrolli dhe vijon krehja e zonēs për të bërë të mundur kapjen e autorit/ve. a.b
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
