Një i ri 32-vjeçar Gerti S., u gjet i pajetë në pyll, në pozicion lutjeje, tha sot gazetaria Anila Hoxha në një intervistë në abc mëngjesit në lidhje me viktimat e sekteve katanike në Shqipëri.
“Gerti është i pari që ka humbur jetë në rrethana misterioze, të pa hetuara. Kanë ardhur vërdallë dhe si kanë dhënë përgjigje…”, tha Hoxha.
“Ndryshoi sjellje, agjendë, rutinë, ndryshoi edhe menynë ushqimore. Kërkonte të konsumoheshin vetëm produkte me natyre bimore, jo mishi. Pas konflikteve, u largua nga shtëpia. Nga burime mësova se po kërkonin një 32-vjecar, e ëma është ankuar dhe nuk po e gjente dot, thane familjaret.”
Dyzetë ditë më vonë, Gerti u gjet i pajetë në një zonë të pyllëzuar.
“Ishte i vetmuar, i paushqyer, i vetëflijuar, në pozicion lutjeje. Nisën hetimet. U kërkua një sekt që dyshohet se kishte bazën në zonën e ish-stacionit të trenit. Nuk e gjeta. Prokuroria ia kaloi si çështje komisariatit Nr.1 dhe ngjarja vazhdon të jetë ende pa asnjë autor.”
Anila Hoxha u shpreh se nga mungesa e informacionit, autoritetet mund të thonë se Gerti ndërroi jetë për shkaqe natyrore, “u vetëflijua për shkaqe të rënduara mendore.”
I riu ishte ekonomist dhe pasi nisi të frekuentonte një sekt të caktuar filloi të ndryshonte sjellje. Familjarë të tij i kanë treguar Hoxhës se ai filloi të mos konsumonte më produkte me origjinë shtazore, dhe kërkonte që në shtëpi të konsumoheshin vetëm produkte me natyrë bimore.
Më pas ka komentuar eksperti i profilizimit kriminalistik Ervin Karamuca i cili tha se këto sekte apo grupime okulte kanë gjetur një parajsë në Shqipëri, pasi informacioni këtu është i pakët ndërsa edhe vetë ekspertët që duhet t’i hetojnë janë në shumicën e rasteve të painofrmuar.
Duke folur për rastin e Evgjeni Baxhos, një e re 23 vjecare që u gjet pa jetë në shtëpi ndërkohë që mbi trupin e saj kishte vizatuar disa simbole, ai shpjegon: “Jam i bindur që vajza i është nënshtruar një rituali të fshehtë. Alarm i madh është pasiviteti policisë. Në raste të tjera, kemi parë viktima që kanë agjëruar dhe janë vetëflijuar. Duhet të ngrejë alarm edhe për krimet e mëparshme. Kanë filluar ta praktikojnë në Shqipëri, se jemi të prapambetur, kanë terren të pakufishëm për të abuzuar me të rinjtë me fëmijët. Kanë penetruar persona të caktuar nëpërmjet këtyre sekteve për t’i bërë këto rite.”
Karamuça thotë se viktimat e këtyre grupeve satanike kanë sjellje të ngjashme dhe u bëri thirrje prindërve që të kenë kujdes me fëmijët nëse ndryshojnë sjellje.
“Ka një profilizim të viktimave. Tërheqja, ndryshimi i menysë së të ngrënit. Terma të pakuptueshëm në fjalor, ku flitet me simbole të caktuara. Djali nuk është vetëflijuar, është pjesë e një sakrifikimi. Kanë tendencë t’i bëjnë në vende të hapura. Djali nuk ka qenë vetëm.”
Eksperti thotë se në shënjestër të këtyre grupeve janë njerëz të rinj, pa mbështetje dhe me probleme ekonomike.
“Joshen shumë shpejt. Me një kurs anglishteje, me një celular. Këto grupe janë të pamëshirshme. Nuk të falin, nuk të lënë të dalësh nga rrethi i tyre. Deep ëeb, dhe dark ëeb, regjistrohen aty për të marrë informacione sesi të bëhen ritualet. Të huaj vijnë në Shqipëri dhe gjejnë një parajsë”, alarmoi eksperti. a.b
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
