Shumica e degëve të partisë Demokratike të Tiranës kanë shprehur mbësjtetjen e tyre në krah të Lulzim Bashës, ndërkpjë që një grup brenda PD po kërkon dorëheqjen pas humbjes në zgjedhjet problematike të 25 prillit.
Përmes postimeve në rrjete socialle drejtues apo degë të PD në njësi të bashkohen në betejën e nisur tashmë nga Basha dhe lidershipi i PD për të çmomtuar qeverisjen e dalë nga vota e vjedhur, Rama-Doshi.
“Por nuk do te dorezohemi dhe kete beteje do ta vazhdojme deri ne fund, pasi te tille jane demokratet, te pathyeshem!
Sot jemi te vjedhur por jo te humbur!
Asgje nuk mbaron ketu! Nuk dorezohemi e vazhdojme perpara me #LulzimBasha”, shkruhet në një postim të degës së PD në njësinë nr.2 në Tiranë.
Edhe dega 12 Tiranë, duke shprehur mbështetjen për kryetarin Lulzim Basha, ka evidentuar ndërkohë edhe problematikat që janë hasur në këtë dege përsa i përket shitblerjes së votave.
“Nisur nga sa më lart dhe nga rezultati i arritur kryesia e degës 12 Tiranë pas mbledhjes së analizës vendosi: Të mbështesim kryetarin Lulzim Basha në të gjitha hapat që do gjykohen për vazhdimin e aksionit për evidentimin e të gjitha shkeljeve dhe deformimeve të rezultatit zgjedhor nga skemat mafioze të Edi Ramës”, thuhet në postimin e degës 12 po në Tiranë.
Luan Baçi, kryetari i degës së PD në Fier, në një letër të hapur shprehet qartë se “këto zgjedhje nuk dhanë zgjidhje, nuk janë të pranueshme” ndaj edhe “misioni vazhdon me Lulzim Bashën.
“I ftojme te gjithe te na bashkohen! Edhe ata qe gjate 8 viteve opozite, benin opoziten e opozites!
Edhe ata qe nuk folen nje fjale te vetme kunder Rames! Edhe ata qe u gezuan per rezultatin dhe kane si qellim te vetem te marrin drejtimin e partise!
Edhe ata qe emerohen perkohesisht dhe interesoheshin me shume per ofiqet qe do te merrnin ne pushtetin e pritshem dhe jo punen qe duhej bere!
Edhe te ngjashmit e tyre ne deget rretheve! Keto zgjedhje nuk dhane zgjidhje, nuk jane te pranueshme! Misioni vazhdon me Lulzim Bashen, ne jemi bashke me te!”, shkruan ndër të tjera Luan Baci. e.k
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
