Komisioni i Pavarur i Kualifikimit, KPK vendosi më datë 19 tetor 2020 ndërprerjen e procesit të rivlerësimit për prokurorin e Prokurorisë së Tiranës, Bujar Hoxha, pas dorëheqjes së këtij të fundit nga detyra.
Vendimi i KPK shpjegon se procesi i rivlerësimit për prokurorin Bujar Hoxha kishte filluar prej dhjetorit 2019, kur edhe ishte caktuar trupi gjykues.
Më vonë më datë 22 shtator, Komisioni është njohur me vendimin e Këshillit të Lartë të Prokurorisë, KLP, për mbarimin e statusit të magjistratit për prokurorin Hoxha, për shkak të dorëheqjes së tij.
KLP ka përcjellë në KPK, edhe informacion e marrë nga Gjykata Administrative e Apelit e cila konfirmonte se prokurori Bujar Hoxha nuk kishte paraqitur ankim kundër vendimit për mbarimin e statusit të magjistratit.
Në përfundim, trupi gjykues i KPK i përbërë nga Lulzim Hamitaj kryesues, Genta Tafa(Bungo) relatore dhe Etleda Çiftja anëtare, kanë çmuar të ndëpresin vetingun për prokurorin Bujar Hoxha, duke argumentuar se ky i fundit ka ushtruar të drejtën për dorëheqje. Gjithashtu, KPK ka deklaruar humbjen e së drejtës së këtij subjekti për t’u emëruar në sistemin e drejtësisë për një periudhë 15-vjeçare.
/DRONI.al/
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
