Policia e Shkodrës ka bërë ndalimin dhe arrestimin e 19-vjeçarit që i bëri atentat Mentor Hasanajt, shefit të Policisë Bashkiake në Malësinë e Madhe si dhe kushëririt të tij që sipas bluve dyshohet se ka qenë bashkëpunëtor në ngjarje.
Në pranga janë vënë Ilirjan Hasanaj i cili qëlloi me armë duke plagosur Mentor Hasanajn dhe babanë e tij Xhelal Hasanajn teksa udhëtonin me makinën e Policisë së Malësisë së Madhe, si dhe Verzan Bajrakurtaj 23 vjeç, banues në lagjen Dobraç, Shkodër. Të dy ata u vetëdorëzuan dje në Komisariatin e Policisë së Shkodrës.
Në rrëfimin para uniformave blu, 19-vjeçari Hasanaj është shprehur se e ka kryer këtë akt nën ndikimin e alkoolit pa vetëdije të plotë, ndërsa ka mohuar përfshirjen e kushëririt të tij në atentat. Ai ka thënë se ky i fundit e ka marrë me makinë por nuk ka pasur dijeni për ngjarjen.
Vihet ne pranga autori i dyshuar i ngjarjes se ndodhur me datë 11.10.2020, ku mbetën të plagosur shtetasit M. H. dhe Xh. H. Arrestohet dhe një shtetas tjeter si bashkëpunëtor Nga strukturat hetimore të DVP Shkodër u bë ndalimi i shtetasit I. H. 19 vjeç, banues në lagjen “10 Korriku”, Shkodër
Gjithashtu nga veprimet hetimore u bë ndalimi edhe i bashkëpunëtorit të tij shtetasit V. B. 23 vjeç, banues në lagjen Dobraç, Shkodër Nën drejtimin e Prokurorisë, Strukturat hetimore të DVP Shkodër vijojnë veprimet hetimore për zbardhjen e rrethanave dhe qëllimit të ngjarjes, identifikimin, kapjen dhe arrestimin e personave të tjerë të implikuar në këtë ngjarje Materialet iu referuan Prokurorisë së Rrethit Gjyqësor Shkodër per vprime të mëtejshme”, njofton policia e Shkodrës.
/DRONI.al/
