Drejtoresha e ISHP, Albana Fico, në një dalje për mediat ka sqaruar, një ditë para hyrjes në fuqi të vendimit, se ku, kur dhe kush duhet të mbajë maskë anti-Covid.
Sipas saj, ata qël kapen në rrugë pa maska gjobiten me 3 mijë lekë të rinj, ndërsa nëse shkelja përsëritet gjoba do të jetë 5 mijë lekë të rinj.
Përveç maskave mjekësore, barrierat mbrojtëse mund të jenë prej tekstili ose materiali tjetër.
“Maska parandalon përhapjen e stërklave. Maska duhet të shikohet si një masë plotësuese dhe jo zëvendësuese e higjienës dhe distancës. Maska duhet të mbulojë fytyrën. Duhen dezinfektuar duart. Maska nuk duhet të preket kur vendoset. Maska kirurgjikale hidhet në koshin e mbetjeve pas heqjes. Mund të lahet me larës të zakonshëm. Maska duhet pasur gjithmonë me vete”,-thuhet ne protokoll.
Ja kur maska bëhet e detyrueshme:
Në të gjitha mjetet e transportit publik
Në të gjitha vendet e hapura, si park apo shesh
Gjatë aktivitetit në punë, në të gjitha institucionet publike dhe jopublike
Teatër, Kinema, Biblioteka etj
Në hyrje-dalje nga banesat
Në ashensor
Përpara dhe pas konsumimit të ushqimeve në bare dhe restorante
Në motorçikletë kur merr një person jot ë familjes.
Nëse je duke ui kujdesur në shtëpi për një person të prekur me Covid-19.
Në të gjitha institucionet fetare
Për të gjithë ish të prekurit me Covid-19
Në institucionet arsimore dhe ato të përkujdesit shëndetësor.
Para hyrjes dhe daljes në klinikat dentare.
Nga persona që nuk flasin ose dëgjojnë
/DRONI.al/
