Kryeministri Edi Rama ka shpërthyer ndaj Presidentit të Republikës, Ilir Meta, duke thënë se shembullin më negativ e ka ai, që sipas Ramës, nuk ka kapacitetin mendor dhe moral të përmbahet edhe kur është në krah të një përfaqësuesi të huaj. Me këtë, Rama nënkupton deklaratat e forta të Presidentit sot, gjatë konferencës për shtyp me homologun e tij të Bosnje-Hercegovinës.
” Ilir Meta që del e flet në emër të Kushtetutës dhe shqiptarëve, që mund ti shkojë me víktimat e OFL-së, por jo me socialistët, që do afishoka emrat e deputetëve, që do marrkan kosto personale, me cilat mjete të dhunshme do të ndodhë kjo.
Shqipëria ka nevojë për të gjithë, por unë nuk jam udhëheqësi i PS-së për të ushqyer partitë e vogla, dhe bindja ime është që asnjë parti e vogël në historinë e pluralizmit nuk ka sjellë asnjë gjë të mirë për Shqipërinë, janë ato që kanë shqyer më shumë se PS dhe PD shtetin. Partitë e vogla kërkojnë të vijnë në pushtet, që ta bëjnë ministrinë një degë thesari të atij që ka vulën.
Rroftë maska që të paktën të buzëqeshni nën maskë, sa për diktaturën ju them që thjesht e vetëm të isha pak sa Saliu, ata që janë jashtë nuk kishin shans që të dëgjoheshin, i kemi çuar Ilir Rusmailin që ta bëjnë kryetar të KQZ-së, dhe e kanë refuzuar”,-u shpreh Rama.
Duke iu referuar dhe hapjes së listave, Rama tha se është në të drejtën e tij si kryetar i partisë që të vendosë se cilët do të jenë lojtarët sulmues në lista, dhe cilët do të jenë ata rezervë, që vetëm me votë mund të marrin vend të sigurt në formacion.
Nderkaq, foltorja qendron e bllokuar nga deputetja Rudina Hajdari.
https://www.facebook.com/edirama.al/videos/344347643652030
/DRONI.al/
