Është mbledhur sot Komisioni për Çështjet Ligjore, ku po shqyrtohen dy nismat për Kodin Zgjedhor. Gjatë kësaj mbledhje, mbajti fjalën e tij edhe përfaqësuesi i maxhorancës në këshillin Politik ‘tërmeti’ Damian Gjiknuri.
Ky i fundit, ndër të tjera u shpreh se ‘së fundmi ndodhi një tërmet politik, siç është ndryshimi i Kushtetutës’.
‘Ndoshta nuk kemi bërë ndryshimet e duhura kushtetuese, por tashmë ata janë bërë. Duhet të shkohet minimumi i mundshëm i konfliktit. Kushtetuta vërtetë nuk përmend fjalën koalicion, por në Europë nuk mund të parandalohen aleancat.
Reflektimet duhet të mos prekin 5 qershorin. Ndodhi një tërmet politik, domethënë ndryshimi i Kushtetutës’, tha Gjiknuri.
Përmendja e fjalës ‘tërmet’ nga përfaqësuesi i Ramës shkaktoi të qeshura e reagime në sallën e parlamentit. Kjo, pasi në përgjimet e BILD, ku flitej për zgjedhjet në Dibër, ishte kjo fjalë që dëgjohej të thuhej nga ana e Damian Gjiknurit.
/DRONI.al/
