Shefja e Epidemiologjisë së ISHP-së, Silva Bino është shtruar në spitalin infektiv, pas infektimit me COVID-19.
Menjëherë pas këtij lajmi, ka reaguar ministrja e Shëndetësisë, Ogerta Manastirliu.
Përmes një statusi në Facebook, ministrja i uron shërim të shpejtë shefes së ISHP-së dhe gjithashtu njofton se mjekët konfirmojnë se gjendja e saj është e stabilizuar.
“I uroj shërim të shpejtë prof. Silva Binos, që po trajtohet me kujdes e profesionalizëm nga kolegët e saj në spitalin infektiv në QSUT. Mjekët konfirmojnë se gjendja e saj është e stabilizuar. Dr. Bino të presim të na bashkohesh sa më parë,” tha ministrja.
/DRONI.al/
