Në Greqi është gjetur trupi i pajetë i 36-vjeçarit shqiptar, Laert Beqajt, i cili rezultonte i zhdukur prej 17 muajsh. Beqaj humbi gjurmët mesnatën e 9 Prillit 2019.
Mediat greke raportojnë se trupi i tij është gjetur tre ditë më parë në në një zonë shkëmbore Andro. Skenarët e zhdukjes së tij janë nga më të ndryshëm, të cilët ende nuk janë konfirmuar, por që mbeten për të hetuar.
Sipas detektivit privat, George Tsoukalis, i cili kishte ndërmarrë hetimet për ta gjetur në një emision televiziv tha se trupi i Laertit u gjet një zonë shkëmbore, por ajo që mbetet është se duhet të fillojnë hetimet pranë plazhit të ishullit dhe u identifikua në një laborator.
Sipas një reportazheve të midiave greke, një ditë pas zhdukjes së Laertit, një burrë, i cili ishte në bordin e një anijeje rrugës nga Rafina për në Mykonos, kishte rënë në det. Laerti punonte ne dy-tre punë për të mbajtur familjen dhe prinderit e tij.
Ai nuk ka pasur probleme me autoritetet vendore. Por ajo që mbetet enigmë është se mori një udhëtim të papritur dhe pa i thënë gjë familjes së tij në drejtim të Mikonos për të punuar.
Kamera e sigurisë së anijes kishte regjistruar njeriun që ra në det. Siç doli nga rrobat që mbante burri, por edhe nga dëshmitë e udhëtarëve, ky njeri ishte 36-vjeçari shqiptar Laert Beqaj.
Autoritetet tani po hetojnë natën e fundit para zhdukjes së tij dhe rrethanat nën të cilat ai ra në det të nesërmen.
/DRONI.al.
