Elbasan, ekzekutohet Zhidru nga forcat e RENEA-s

Forcat RENEA ekzekutuan ketw pasdite 71 vjecarin Lefter Zhidru pas me shume se 5 ore perpjekje per dorezimin e tij.

Zhidru, i cili hapi zjarr ndaj policisë dhe plagosi dy persona është ekzekutuar nga forcat speciale.

71 vjeçari ka qëlluar ndaj forcave të policisë dhe këto të fundit i janë kundërpërgjigjur duke e lënë të vdekur në vend.

I moshuari mbajti për rreth 5 orë ‘peng’ qytetin, ndërkohë që forca të shumta të policisë u përqendruan rreth banesës së tij për të bërë të mundur neutralizimin dhe për ta bindur që të dorëzohet, por i moshuari ka rezistuar duke hapur zjarr.

Për pasojë fundi i tij ishte fatal, ndërkohë që e gjithë zona përreth ishte shumë e frikësuar dhe e tmerruar.

Detajet e policise:

Në vijim të informacionit të dhënë për sulmin me armë mbi forcën e posaçme “Shqiponjat” të DVP Elbasan, nga shtetasi Lefter Zhidru, 71 vjeç, ju informojmë se:

Pas 5 orë negociatash, fillimisht nga Policia Vendore e Elbasanit dhe më pas nga grupi negociator i Renas dhe i grupeve taktike të Reneas me shtetasin Lefter Zhidru, për t’u dorëzuar, ky shtetas nuk i është bindur në asnjë çast thirrjeve të Policisë për t’u dorëzuar, por ka reaguar me armë ndaj grupit negociator dhe grupeve taktike të Reneas që po negocionin me të.

Ndodhur në kushtet e mosbindjes për t’u dorëzuar, forcat speciale Renea kanë ngushtuar rrethimin e banesës ku ndodhej 71-vjeçari.

Shtetasi Lefter Zhidru, kur ka parë që forcat Renea po i afroheshin derës së banesës, ka hapur përsëri zjarr në drejtim të Policisë.

Në kushte të larta sigurie për jetën e punonjësve të Policisë, Renena i ka bërë përsëri thirrje për të hapur derën dhe t’i dorëzohej Policisë, por përsëri 71-vjeçari ka reaguar me armë dhe në këto kushte Renea ka shpërthyer derën për të hyrë në banesë.

Në momentin që forcat speciale Renea po ndërhynin në banesë 71-vjeçari ka sulmuar përsëri me breshëri plumbash Forcat Renea duke rrezikuar seriozisht jetën e tyre, por falë mburojës metalike kolektive nuk është lënduar ansjë punonjës i Reneas.

Në kushtet e vetëmbrojtjes forcat speciale Renea i janë kundërpërgjigjur më zjarr dhe gjatë shkëmbimit të zjarrit, 71-vjeçari ka mbetur i vrarë.

Grupi Hetimor, nën drejtimin e prokurorit, ndodhet në vendngjarje dhe në banesën e 71-vjeçarit ka gjetur dhe sekuestruar në cilësinë e provës materiale një armë zjarri kallashnikov, një sasi të konsiderueshme municioni luftarak dhe disa kallëpe me lëndë plasëse të montuara me kapsolla detonatore gati për shpërthim. /DRONI.al/

/DRONI.al/