Mbledhja e Komisioni për Integrimin Europian ka prodhuar ditën e djeshme një incident të pazakontë dhe banal.
Në momentin që Kryetarja e Komisionit, Rudina Hajdari, po bënte apelin përmes platformës “Zoom”, kur i erdhi radha deputetit Taulant Balla, u dëgjua edhe një zë “misterioz”.
Në pamje duket vetëm Hajdari por, për një moment ndizet një nga mikrofonët e deputetëve dhe dëgjohet telefonata: “Dëgjo këtu ti pederast m*ti”.
Nga mikrofoni i ndezur dëgjohet edhe përgjigja e deputetit, i cili thotë: “Pse ça bëra unë?” Më pas linja ndërpritet dhe i kalon radha deputetit Nikolin Staka.
Komisioni për Integrimin Europian ka miratuar në mbledhjen e sotme virtuale projekt- relozutën “Për hapjen e negociatave të anëtarësimit të Republikës së Shqipërisë në Bashkimin Europian dhe miratimin e planit të masave për përmbushjen e përparësive të përcaktuara nga Këshilli i Bashkimit Europian”.
/DRONI.al/
