Tre punonjëse të një fasonerie në Pogradec kanë rezultuar pozitive me koronavirus. Gjithashtu janë infektuar edhe dy infermiere të cilat punojnë në qendrat shëndetësore në fshatrat e Pogradecit, si dhe një nxënës në një nga shkollat e qytetit.
Mësohet se fasoneria me 110 punonjës është mbyllur dhe dezinfektuar, ndërkohë që janë dezinfektuar edhe ambientet e qendrave shëndetësore.
Nxënësi i infektuar është kontakt i një prej punonjësve të fasonerive dhe ai nuk është paraqitur asnjë ditë në shkollë. Infermieret dhe punonjëset e fasonerisë janë gra të moshave 30-50 vjeç.
Nderkaq, gjatë ditës së djeshme, 8 mësues dhe një polic janë prekur me COVID-19 në qytetin e Beratit. 8 mësuesit e prekur janë në shkollën ” Ajet Xhindole” dhe në shkollën në Mbrakull. Për pasojë gjatë ditës së sotme nuk është zhvilluar mësimi në klasat ku jepnin mësim 8 të infektuarit, pasi nuk janë zëvendësuar.
/DRONI.al/
